infinity
مرحبا بالزوار
من فضل قم بالتسجيل فى
منتدى انفينتى فور فوركس
لتتعرف على كل ما يخص
" الفوركس"


infinity
 
الرئيسيةالبوابةاليوميةس .و .جبحـثالمجموعاتالتسجيلدخول

شاطر | 
 

 استراتيجات التعامل مع التحليل اليومى للسوق والشاشه فى اليوم التالى للتحليل

اذهب الى الأسفل 
كاتب الموضوعرسالة
dina metwally
Admin
avatar

عدد المساهمات : 69
تاريخ التسجيل : 27/01/2012
العمر : 29

مُساهمةموضوع: استراتيجات التعامل مع التحليل اليومى للسوق والشاشه فى اليوم التالى للتحليل   الأحد يناير 29, 2012 10:51 am

استراتيجات التعامل مع التحليل اليومى للسوق والشاشه فى اليوم التالى للتحليل

لقد لاحظت الفتره الاخيره او بصراحه اكثر دائما بان الجميع ينظر الى التحليل المكتوب من قبل اى محلل بانه قانون ولابد من التنفيذ بالحرف وهذا اكبر خطاء
تعالى نتكلم بصراحه ونشرح الموضوع بلغه ممكن تكون قريبا للفهم للعديد من الافراد صغار وكبار ------- اولا مثلا – لما احمد العطيفى يكتب تقرير مثلا غدا شراء فى سهم معين هيكون التوصيه عشان السهم فى منطقة شراء والؤشرات الفنيه تعطى ذلك او هناك خبر متواجد على السهم طبعا حضرتك مبدائيا هتروح الجلسه وانت عينك فقط على الشراء وانا برضه شخصيا منطقيا هعمل زيك بالظبط لكن لازم تاخد بالك من حاجه – لو السهم شكله جميل جدا وماشى مثلا مع السوق فى نفس الاتجاه والسوق كمجمل جيد فى اتجاه على الاقل صاعد فى دورة الديلى الان يبقا انت فعلا هتشترى بس على شرط عشان خطرى - مش لازم تدخل زى الصاروخ فى اول الجلسه وطيران على السمسار وتقوله انا اليوم هشترى هذا السهم وهات الان كل الكميه ماركت انا عرفت بان هيحصل على السهم موضوع شكله ايه وهذه مصيبه وانا هقولك لو انت عملت كده ما هى المصيبه --- الشراء بسرعه خطاء كبير ولازم تشترى على مراحل فى الجلسه وتبداء كده بوضع طلبات شراء فى السهم وفى اماكن متفرقه وبينها وبين الطلب مشوار مش قرش – يعنى تدخل تشترى بهدوء وتوضه ربع الكميه فقط فى طلب فى اعلى فى الخطوط الشبه اماميه للطلبات عشان لو جرى منك يبقا انت اشتريت -- وبعدين تبداء فى وضع طلبات فى المنتصف ولو حضرتك لقيت كميه طلبات كثيره على السهم متواجده فى نفس اماكن الشراء الاماميه لديك ده معناه بان فعلا السهم هيتحرك الى الامام لكن على شرط تكون كمية الطلبات هذه اكبر من الكميات المتواجده كل يوم وملفته للنظر ليك انت شخصيا ويا سلام لو الطلبات دى بتشترى فعلا يعى يباخد الاسهم يبقا الطلبات حقيقه فعلا ومش لعب للتصريف = كده حضرتك زى ما انت معهم فى نفس الطلبات وهتشترى فعلا – كده انت اشتريت اول كميه وتمثل الربع ماشى الف مبروك --- تعالى نشوف الباقى هنعمل ايه فرضا لقيت السهم بيجرى والطلبات مش بتاخد لا ده موجود مشترى من الخارج عمال ياخد من المعروض والطلبات بتطلع – واحنا فى منتصف الجلسه والهم تحرك الى الامام بفوليم كبير مقارنه بنفس الفوليم فى نفس الوقت امس بس لازم تاخد بالك من حجم الفوليم عشان خطرى بتاع جلسة امس والسهم كمان بيتحرك صعود يبقا انت كده زى الباشا تدخل تشترى الربع الثانى من الكميه ماركت – وطبعا هذا السهم تحرك الى الصعود وجرى طبقا لما هوه يحدث هتقولى ادخل بقا اشيل فى السهم الباقى – انا هقولك لا ياباشا طبعا اصبر اليوم وعدى الجلسه على خير وكفايه شراء اليوم واعرف انك اشتريت معقول وهتعرف طبعا بانك لما قولت للسمسار حبيبك على اخبار السهم دخل اشتره للعملاء بتوعه زيك والف مبروك رفع السهم معاك من غير ما انت تحس لانه اشتره من غرفه اخره وكمان بقا سمسار شاطر بناء على اخبارك انت والعملاء عملوه ليه تمثال وقالوه عليه بانه معلم --- اليوم الثانى – طبعا الييوم الثانى الناس شافت امبار ح السهم بيتحرك صعود وانتهت الجلسه صعود هيروحوه الجلسه زى الصاروخ ويشتروه فى اول الجلسه وطبعا لازم تعرف بان هناك ناس معهم السهم من قبل ما انا اقولك عليه وهيبيعوه طبعا للاخوه الى دخلين شراء ماركت فى الجلسه ( زى تليكوم كده ما حصل ) الكل هيدخل يشترى والكل من الناحيه التانيه هيقولك احنا نطلع ونبيع بجزء من الاسهم ما احنا لازم نجنى ارباح هتلاقى بقا حضرتك شراء والمقابل له بيع وبعدين السهم يرجع فى الساعه الاول لاسعار قريبه من امس انت هتعمل ايه هتقولى اشترى باقى الكميه وانا هقولك اصبر عشان خطرى ونشوف للنهايه فى اخر ساعه من الجلسه هنقرر نشترى وله لا – لقيت السهم لسه فى حجم تنفيذات امس وارتفاع طفيف عن امس طبعا ده معنا استقرار فى السهم وخلص البيع تدخل زى الشاطر تشترى الربع الثالث وتروح البيت --- يبقا احنا اشترينا ثلاثة اربع الكميه على يومين -- تالت يوم – هتلاقى الناس خدت بالها من السهم ولو بداء السهم فى صعودا فى اول الجلسه هتعمل ايه بقا حضرتك ؟ ؟؟؟ هتقولى ادخل اكمل الكميه وانا هقولك لا طبعا اول ما تلاقى السهم بداء صعود مقارنة بنهاية تنفيذات امس تتكل على الله وتبيع جزء من الاسهم المتسويه الى هى معاك من يومين ويفضل نصف الكميه – هتقولى طب انا مشترتش كل حاجه والسهم شكله مكمل هقولك ما تسيوه يكمل ما انت معاك كميه تانيه خليها معاك ان شاء الله يطير لفوق --- انت بعت من المتسوى جزء ومعاك جزء متسوى ولم تبيعه واشتريت امس خلى دول معاك بس وندور على سهم اخر نشترى فيه ونشوف هنخرج امته من السهم ده وعنينا على الشاشه

( ملك التريدات العكسيه )
ذهب المضارب صباح الى الجلسه قبل الجميع وجلس امام الشاشه والتف حوله الاصدقاء وقالوه له ايه الاخبار اليوم فرد وقال النهاردة يوم زى الفل وانا طول اليوم امبارح قاعد على المنتدى وبقراء للاستاذ احمد العطيفى والدكتوره جيجى والدكتور شريف وعرفت باننا ممكن نعمل تريده فى الحليج زى الفل اليوم باذن الله نعوض الخساره عشان الناس دى بتفهم جدا وانا متابعه – المهم بدات الجلسه وبداء الحليج شغال والمضارب عمال ينظر الى الشاشه وبيقول اشترى امته اشترى امته المهم قال ابس على الطلبات كده والعروض بس ام شاف الطلبات ضعف العروض قال لنفسه كد تماما السهم هيطير بس لما اشوف بقا التفاصيل للطلبات زى ما قال العطيفى وشريف المهم شاف التفاصيل فى الطلبات لقا طلبات رهيبه للحليج عند 10.50 وطابات عند 10.51 وطلبات عند 10.52 كميات كبيره والسهم بينفذ 10.56 والعروض فقال نصبر شويه المهم لقه السهم بينفذ تانى 10.57 و10.58 قال لا بقا كده تماما شكله هيطير قام جرى زى الصاروخ للسمسار وقاله هات لى 9000 حليج ما ركت واحجزهم عشان هنبيع اليوم وعلطول طار مع المضارب كل الاخوه لانهم شافوه بيجرى فى القاعه للسمسار وعرفوه بان الحليج هيطير وزى الصاروخ كل واحد فيهم 9000 سهم ماركت وكانوه 5 اصحاب وبعد دقائق لقوه الموجوده عند 10.50 بتختفى وعند 10.51 بتختفى والبيع شغال ووصل السهم الى 10.45 ما شاء الله المهم عدت ساعه والسهم شغال تحت شويه والكل عمال ياكل فى صوابع ايده ويبص للمضارب وهوه يقول اصبروه السهم هيطير المهم ساعه وره ساعه ووجد السمسار بيقوله ايه الاخبار احنا لازم نبيع فقالوه طب ثوانى المهم المضارب مخدش باله بان الطلبات كانت مرصوصه زى الفل وكل ما يجى ياخد السهم الطلبات ترفع من على الشاشه وتنزل تحت وممكن الميكر يدخل يشترى من المعروض كام سهم عشان يجرى الناس وراه وعلطول يبيع ليهم من الناحيه التانيه ومخدش باله بان المؤشرات على السهم عامله خروج من يومين ومعرفش بان العطيفى وجيجى وشريف كانوه قصدهم ايوه تريده بس مش شراء الاول كانوه بيقوله بيع الاول عشان الجلسه الماضيه مش كويسه شوبه فممكن السهم يرفع فى اول اليوم التانى وبعدين ينزل المهم السمسار نظر الى المضارب والمجموعه وقال فاضل دقائق والجلسه تخلص فردوه كلهم وقال بيع ماركت وطبعا باعوه بخساره وقعدوه يدعوه على المضارب وقالوه له نبوس ايدك طب تقراء للناس كويس ---- المهم روح المضارب البيت وقال انا مش هدخل اقراء للناس دى تانى ومش داخل الابواب دى انا هدخل اليوم باب تانى خالص دخل وجلس ولف فى المنتدى ودخل باب الاستاذ محمود وبوم والمحلل وجلس وقراء وراح تانى يوم الجلسه فى الصباح وجلس الجميع معه وقالوه له ايه الاخبار فرد المضارب وقال صباح الفل النهارده يوم جميل وامس سهرت طول الليل فى المنتدى وعمال اقراء لناس زى الفل تانيه وعرفت بان اليوم تريده جباره على هيرمس -- المهم بدات الجلسه وقال يا جماعه اليوم هيرمس تريده فى الجون بس لازم يكون عندكم اسهم متسويه لان طبعا احنا كده هنبيع الاول ونشترى فى اخر الجلسه المهم بدات الجلسه والسهم شغال تماما وقعد بفتكر كلام بوم والمحلل ومحمود وقال تمام كده السهم اهوه ادامكم زى امبارح بيتلم عشان البيع بريفعوه فى السهم عشان التصريف شايفين الطلبات بتقل ازاى يله نبيع يا رجاله طبعا الكل باع لان الطلبات عماله تقل وافتكروه بانها طلعت بيع ونسى من ان جلسة امس كانت المؤشرات الفنيه بتقول هيرمس شراء ومخدش باله بان الطلبات بتقل بس هناك موضوع مهم بان الطلبات بتتشال ويوجد شراء بنفس الكميات من العروض وهناك فجوه بين الطلبات والعروض وكل شويهالمعروض بسعر عالى بيتلم والطالب بيرفع ايده صح بس بيشترى ماركت المهم المضارب باع السهم بسعر 41 وبعدين تحرك الى الامام الى 41.20 والى 41.50 والطالبات عماله تذيد ولعروض بتقل لانها بتشترى من الماركت المهم انتهت الجلسه وطار السهم الى 42 واصدقاء المضارب قالوه له نبوس ايدك تانى امبارح بوسنا اليمين النهاردة هنبوس الشمال اقراء للناس كويس حرام عليك خربت بيتنا طبعا المضارب معرفش بان بوم ومحمود والمحلل كان قصدهم شراء الاول وبعدين البيع المهم قالوه له شايف الراجل الى قاعد هناك ده فرد المضارب وقال ايوه قالوه له – ده محلل جامد جدا روح اتعرف عليه ممكن يفيدك المهم ذهب الى المحلل الموجود فى الشركه وقالوه لو سمحت انا عايز اتعلم وعايز اعمل تريده صح ونظر المحلل الى اصدقاء المضارب وضحك وقال له انت بقا بتاع التريده الغلط بتاعة امبارح فرد المضارب ايوه وبتاع التريده الغلط بتاعة اليوم فقال له المحلل بتاع الشركه انا هعمل معاك واجب كويس هبعت لك مجموعة كتب وكام سى دى هيخلوك زى الفل فرد المضارب وقال والنبى بسرعه عشان انا عندى تريده مهمه الاسبوع القادم فطلب المحلل منه 100 جنيه ثمن الكتب فدفع لمضارب علطوا وترك له العنوان على وعد ارسال الكتب تاى يوم – المهم روح المضارب وجلس يحلم بالكتب وقال انا مش داخل اى منتدى تانى ولا هقراء لاى احد انا خلاص هقراء الكتب وهفتح منتدى لى قربا وهبقا استاذ المهم تانى يوم الصبح الساعه 9 رن جرس الباب فتح المضارب ووجد شخص يسلم له ظرف وقاله له الظرف ده ليك فرح المضارب ووجد الظرف كبير ومليان ورق وقال ما شاء الله كل دى رسومات وشارتات المهم فتح الظرف ووجد رساله مكتوب فيها اخى الكريم المضارب تحيه طيبه انا اسف جدا احب اعرفك بنفسى انا الاسطى حنفى صاحب مطبعه ومعلش انا لا اعمل محلل واخر تحليل عملته كان تحليل دم لابن اخى الصغير ورايت بان ارسل اليك هديه مقابل ال100 جنيه المدفوعه سابقا وعرفت منالاصدقاء بانك لاتحمل كارت شخصى لك فرايت ان اعمل لك مجموعة كروت المهم فتح المضارب الكارت الجديد بتاعه ووجد فى اقصى يمين الكارت من اعلى مكتوب مضارب على حافة الانهيار ومرسوم جنبه شمعه سوده طويله ومكتوب فى النصف الكارت ملك التريدات العكسيه وفى الاسفل تليفون 122 وموبيل 123 والعنوان القاهرة العباسيه مستشفى الامراض العقليه عنبر 8 وفجاه وجد المضارب شخص ما يخبط عليه فى الخلف وبيقول له انت صحيت بدرى كويس تعاله عشان تاخد جلسه الكهرباء قبل ما تروح جلسة البورصه -----
الرجوع الى أعلى الصفحة اذهب الى الأسفل
 
استراتيجات التعامل مع التحليل اليومى للسوق والشاشه فى اليوم التالى للتحليل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
infinity :: منتدى الفوركس العام :: منتدى استراتيجيات و ورش عمل الفوركس-
انتقل الى: